Me guxim të pakompromis, partneritet të sinqertë dhe duar të pastra, e ndërtojmë të ardhmen së bashku!

Sot, bashkë me Kryeministrin Kurti, deputetë të Kuvendit të Kosovës, nënkryetarë e anëtarë të kryesisë së partisë, kryetarë të degëve në mërgatë, aktivistë, veprimtarë, dhe komunitetin shqiptar në Zvicër, festuam dhe bashkëbiseduam në Kreuzlingen të Zvicrës, nën frymën e unitetit dhe krenarisë kombëtare, organizuar nga dega e Partia GUXO në Zvicër. 

Kosova është e bekuar me mërgatën e saj, një mërgatë unike në të gjithë botën, një mërgatë që asnjëherë nuk ka reshtur së punuari dhe kontribuari për Kosovën. 

Pa mërgatën nuk do të mund ta organizonim rezistencën, pa të nuk do të mund ta mbanim arsimin, pa të nuk do të ishte çliruar Kosova, pa të nuk do të rindërtohej Kosova, pa të nuk do të vinte ndryshimi i madh i vitit 2021, e në fund të fundit, pa të, do të shndërroheshim të gjithë në diasporë.