Në një atmosferë entuziaste, mes delegatësh e mysafirësh të shumtë nga Zvicra, Gjermania dhe Kosova, me 19.03.2023 u hodh edhe një hap tjetër i rëndësishëm drejt konsolidimit të Partisë Guxo. Në Zvicër u themelua dega Guxo, si degë e dytë jashtë vendit.
Me votën e tyre të fshehtë, rreth 120 delegatët e pranishëm zgjodhën kryetar të degës në Zvicër shkrimtarin Muharrem Blakaj. Falënderim i veçantë i shkon Këshillit iniciues për themelimin e degës së Partisë Guxo në Zvicër, dhe në radhë të parë zotërinjve Haradin Gashi dhe Reshat Murati, për përkushtimin dhe mbështetjen. Ndërsa falënderim i posaçëm i takon edhe kryetarit të Shoqatës Kulturore Shqiptare Sharri në Waldkirchen, z. Nagip Mehmedi dhe valltarëve të rinj të shoqatës për mikpritjen e përzemërt.
Me nder, faqe të bardhë dhe duar të pastra vazhdojmë konsolidimin e partisë më të re të Kosovës si alternativë serioze e një politike bashkëkohore në skenën tonë politike.
Kryetarit, kryesisë dhe delegatëve të zgjedhur iu urojmë suksese në punën e tyre.
