Në një kuvend solemn, Gresa Bytyqi Kelmendi u zgjodh me 28 Qershor 2022 me votën e 116 delegatëve kryetare e Degës së Partisë Guxo në Lipjan. Pas Faton Pecit në Mitrovicë dhe Haxhi Avdylit në Prizren, Gresa, e cila ishte ndër të parat që në fillim të vitit të kaluar iu bashkëngjit Listës Vjosa/Guxo, është kryetarja e tretë e zgjedhur e kësaj partie duke u bërë kështu gruaja e parë në krye të një dege të Guxo.
Kuvendi zgjodhi gjithashtu kryesinë e degës si dhe delegatët për kuvendin qendror. Gresës dhe degës në Lipjan i urojmë suksese në rrugën e tyre për të ofruar një alternativë serioze politike në Lipjan. Ndryshimi i nevojshëm nuk vjen vetvetiu. Ai arrihet vetëm me shumë punë dhe përkushtim dhe me njerëz me integritet të lartë personal, të dëshmuar si të pakorruptuar dhe të pakorruptueshëm.
